القصة
من مدرسة عمومية بالمغرب... لمدرسة دولية بالهند.
بدات التيتشر هند التدريس فمدرسة عمومية بالمغرب. عاشت الواقع اللي كنعرفو كاملين: أقسام عامرة، برنامج ثقيل، و أطفال كيحفظو باش ينجحو فالامتحان.
من بعد سافرات تدرّس فمدرسة دولية (IB) بالهند. تما تبدّل عندها كلشي.
شافت أطفال صغار كيناقشو، كيقدمو مشاريع قدام زملائهم، كيطرحو أسئلة، و كيغلطو بلا ما يحشمو — و حتى شي واحد ما كيضحك عليهم.
ماشي حيت كانو أذكى من ولادنا. حيت الطريقة كانت مختلفة.
الطفل ما كيتعلمش المعلومة حيت كيسمعها. كيتعلمها حيت كيستعملها.
هاد الاكتشاف هو اللي ولّى الأساس ديال Kalam Kids: حصة ماشي محاضرة، هي مساحة باش الطفل يهضر، يشارك، و يبني الثقة ديالو حصة بعد حصة.
